442

From Bhajan Sangrah
Jump to navigation Jump to search

૪૪૨ - બાપ્તિસ્મા

૪૪૨ - બાપ્તિસ્મા
હરિગીત
કર્તા : મહિજીભાઈ હીરાલાલ
૧ " આકાશ ને પૃથ્વી પરે અધિકાર સઘળો છે મને,
માટે જઈ સૌ દેશમાં શિષ્યો કરો સૌ લોકને;
ત્રિએક પ્રભુના નામથી બાપ્તિસ્મા આપો બધા,
આજ્ઞા સકળ મુજ પાળજો, છું સાથમાં હું સર્વદા".
હે ખ્રિસ્ત ત્રાતા ! પ્રેમથી આજ્ઞા અમે એ શિર ધરી,
આવ્યાં અહીં તુજ પાસ આજે શાંતિ તારી દે ખરી;
આ ભાઈ* બાપ્તિસ્મા વડે જોડાય તારા સાથમાં,
તું તેમને સંભાળ તારા માર્ગમાં સૌ વાતમાં.
જળવૃષ્ટિ પેઠે સીંચજે પરિશુદ્ધ આત્મા પ્રેમથી,
જળસ્નાન પેઠે ધો, પ્રભુ, તુજ રક્તથી દિલ રે'મથી;
સૌ પાપ ને પાપિષ્ટ સત્તા કાઢતાં. દિલ સાફ દે,
સંસ્કાર બાપ્તિસ્મા વડે, પ્રભુ ! પૂર્ણ આશીર્વાદ દે.
તું જેમ બાપ્તિસ્મા લઈ જન કાજ હોમાઈ ગયો,
નિષ્પાપ તું, પાપી તણો આનંદથી સેવક થયો;
સેવારૂપી જયવંત જીવન નિત્ય તારું આપજે,
ને અંતમાં સ્વર્ગે સદા તુજ સેવમાં, પ્રભુ સ્થાપજે.


Phonetic English

442 - Baaptisma
Harigeet
Karta : Mahijibhai Hiralal
1 "Aakaash ne prathvi pare adhikaar saghalo chhe mane,
Maate jai sau deshamaan shishyo karo sau lokane;
Triek Prabhuna naamathi baaptisma aapo badha,
Aagya sakal muj paalajo, chhun saathamaan hun sarvada".
2 He Khrist traata ! Premathi aagya ame e shir dhari,
Aavyaan aheen tuj paas aaje shaanti taari de khari;
A bhaaee* baaptisma vade jodaay taara saathamaan,
Tun temane sambhaal taara maargamaan sau vaatamaan.
3 Jalavrashti pethe seenchaje parishuddh aatma premathi,
Jalasnaan pethe dho, Prabhu, tuj raktathi dil re'mathi;
Sau paap ne paapisht satta kaadhataan. Dil saaph de,
Sanskaar baaptisma vade, Prabhu ! Poorn aasheervaad de.
4 Tun jem baaptisma lai jan kaaj homaai gayo,
Nishpaap tun, paapi tano aanandathi sevak thayo;
Sevaaroopi jayavant jeevan nitya taarun aapaje,
Ne antamaan svarge sada tuj sevamaan, Prabhu sthaapaje.

Image

Media - Hari Geet Chhand