18

૧૮ – યહોવા મારો પાળક છે

૧૮ – યહોવા મારો પાળક છે

૧	મારો પાળક દેવ છે, અછત કદી નહિ થાય;
	લીલે બીડે તે મને સુવાને લઈ જાય.
૨	શાંત નદીના તીર પર, દોરે ઝાલી હાથ;
	મારો જીવ દિને દિને, બળ પકડે સાક્ષાત્.
૩	સત્ય તણો જ્યાં પંથ છે, ત્યાં જ ચલાવે પાય;
	એવું દેવ કરે સદા, નામ તણે મહિમાય.
૪	મોત તણી છાંયે થઈ, મારે ફરવું થાય;
	તેવા ભયની ખીણમાં, બીક ન જાણું કાંય.
૫	કાંકે તું મુજ પાસ છે, દૂર નથી કો વાર;
	તુજ સોટી ને લાકડી, દિલાસો દેનાર.
૬	મારું ભોજન સિદ્ધ પણ વૈરી સમ્મુખ થાય;
	માથે ચોળે તેલ તું, મુજ પ્યાલું ઊભરાય.
૭	જીવનના દિન સર્વમાં, પ્રેમ, દયા મુજ પાસ;
	ઈશ્વરમંદિરમાં સદા, હું રાખું મુજ વાસ.

Phonetic English

18 – Yahova Maro Palak Che

1	Maro palak dev che, achat kadi nahi thay;
	Lile bide te mane suvaane lai jaay.
2	Shaant nadina tir par, dore jhali haath;
	Maro jeev dine dine, bal pakade sakshat.
3	Satya tano jya panth che, tyan j chalave paay;
	Aevu dev kare sada, naam tane mahimaay.
4	Mot tani chaanye thai, maare pharavu thaay;
	Teva bhayni khinma bik na jaanu kaay.
5	Kaanke tu muj pas che, dur nathi ko vaar;
	Tuj soti ne lakadi, dilaso denar.
6	Maru bhojan siddh pan vairi sammukh thaay;
	Maathe chole tel tu, muj pyaalu ubharaay.
7	Jeevanana din sarvama, prem, daya muj pas;
	Ishwarmandirma sada, hu rakhu muj vaas.

Image