287

૨૮૭ - પ્રભુ પિતા ઉપર ભરોસો

૨૮૭ - પ્રભુ પિતા ઉપર ભરોસો

	સુલીય છંદ
	કર્તા: જે. વી. એસ. ટેલર.
૧	પિતા તણે પરાક્રમે પ્રસંગ સર્વ છે ઠરેલ;
	રહીશ માટ જીવતો પિતા થકી સદા ધરેલ.
	કદી વિપત્તિ જો પડે, થશે કદા અનર્થ નાશ,
	ન થાય બીક તે થકી, ન ઉરમાં થશે નિરાશ..
૨	વિનંતી નિત્ય આ કરું, ધરી સદાય નમ્ર ભાવ,
	થનાર સર્વ વાતમાં નિરાંત તું પિતા, કરાવ;
	વિના વિલંભ શીખતાં ઠરાવના ખરા જ ભેદ,
	સદાય સિદ્ધ હું રહું, ધરી પિતા તણો નિષેધ.
૩	ફરી કરીશ પ્રાર્થના, પડી પિતા તણે સુપાય;
	વિનંતી નમ્ર ભાવની તજેલ તો કદી ન થાય;
	દયાળુ તું પિતા, મને સુશકિત રોજ કાજ આપ,
	બધાંય કામકાજમાં રહે સદા અમીપ, બાપ.
૪	દિને દિને દયા કરી, નિભાવતાં મને ચલાવ,
	મને સદા સુધારતાં, સુભક્ત સેવના કરાવ;
	અધર્મને દબાવતાં ખરી કરી સમસ્ત ચાલ,
	પવિત્રતા કરાવતાં સુખી કરાવ સર્વકાળ.