447

૪૪૭ - "મારી યાદગીરી માં આ કરો"

૪૪૭ - "મારી યાદગીરી માં આ કરો"

	૮, ૬ સ્વરો
	કર્તા : જેમ્સ મંટગમરી, ૧૭૭૧-૧૮૫૪
	અનુ. : એમ. ડબ્લ્યુ. બીટી
૧	કૃપાળુ, તારા કહેવાથી, નમ્ર થઈને હું
	મુજ માટ મરનાર પ્રભુ, તારી યાદીમાં આ કરું.
૨	ભંગાયેલી મારે માટે જીવનની રોટલી તું;
	જીવનનો રસ તેની સાથે પીતાં યાદ કરું હું.
૩	અતિશે દુ:ખ વાડીમાં જે મારે માટે સહ્યું,
	પરસેવો લોહીનો, અરે ! કદી હું કેમ ભૂલું !
૪	કાલ્વરી કેરો ક્રૂસ જ્યારે આવે આંખ આગળે,
	અર્પિત ત્રાતા મારે કાજે, યાદ આવે તે પળે.
૫	તુજ દુ:ખથી તારી પ્રીતિની ખાતરી મને થઈ છે,
	જીવનના છેલ્લા શ્વાસ સુધી યાદ મુજને તે રહે;
૬	અને મોત આવે મારી પાસ, સ્મૃતિ પણ જતી રહે,
	તો, પ્રભુ, તારા રાજમાં ખાસ યાદ કરજે તું મને.