374

૩૭૪ - આનંદના કારણો

૩૭૪ - આનંદના કારણો

ટેક:	આનંદ ઉર છે રે મુજને મળિયો તારણહાર;
	મારા નાથની રે કરુણા થઈ છે અપરંપાર.
૧	ભવસાગરમાં રે મારું નાવ થયો તે નાથ;
	દીઠો દૂબતો રે પ્રભુએ ઝાલ્યો માારો હાથ.
	આનંદ.
૨	પાપ નિવારિયાં રે પ્રભુએ મુજ પર આણી રે'મ;
	જીવન આપિયું રે પ્રભુએ મુજ પર રાખી પ્રેમ
	આનંદ.
૩	દેવ દયાળુએ રે મુજને કરિયો તેનો બાળ;
	રાખે પ્રેમથી રે એ તો નિત મારી સંભાળ.
	આનંદ.
૪	પ્રભુએ આપિયો રે મુજને આદિતનો શુભ વાર;
	સેવાભક્તિના રે આપ્યા ધારા રાખી પ્યાર.
	આનંદ.
૫	ગ્રંથ દીધો મને રે તે તો મુજ અજવાળા માટ;
	થઈને ભોમિયો રે એ તો દેખાડે છે વાટ.
	આનંદ
૬	સ્વર્ગી વાટમાં રે મારો કેવો રૂડો સાથ;
	પ્રીતિ દોરશે રે મુજને હેતે મારો નાથ.
	આનંદ.
૭	અંતે આપશે રે મુજને સ્વર્ગભુવનમાં વાસ;
	સ્વર્ગી ધામમાં રે ઈસુ મારો છે ઉલ્લાસ.
	આનંદ.