SA462

	ટેક : જુઓ આ સ્તંભને ધારી રે, વેઠે પ્રભુ વેદના ભારી રે.
૧	ખીલાથી તેનું અંગ વીંધાયું, રૂધિરની વહી ધાર, સ્હે છે પીડા એ ભારી રે - જુઓ
૨	પાપનો દંડ છે આકરો કેવો, જુઓ જુઓ સહુ કોઇ મગે દુઃખ પ્યાસથી વારિ રે - જુઓ
૩	બૂમ પાડે છે ઉગ્ર તે કેવી, મૂકી દીધો કેમ દેવ? કહે છે ઇસુ પોકારી રે. - જુઓ
૪	આપણાં પાપનો બોજ ધરીને, બનીને બદલો આપ, સાધે છે મુકિત તે સારી રે - જુઓ
૫	પાપ નિવારવા આપ મૂઓ છે, ટાળવા પાપનો શ્રાપ, ઊઘાડવા સ્વર્ગની બારી રે - જુઓ
૬	સ્તંભની ઉપર ઊંચો થયો છે, જીવન દેવાને એ, નિહાળજે દ્રષ્ટિએ તારી રે - જુઓ
૭	રૂઘિર ધાર જે અંગથી વહેતી, ધોશે સહુ તુજ પાપ દેશે સહુ ડાધ વિદારીરે, - જુઓ
૮	પ્રેમ અનુપમ ને રે’મનો ભૂપએ, બોલાવે પાપીને પાસ, નિહાળજે દ્રષ્ટિએ તારી રે - જુઓ