279

૨૭૯ - પ્રભુની ધીરજ

૨૭૯ - પ્રભુની ધીરજ

	વિક્રાંત
	કર્તા: થોમાભાઈ પાથાભાઈ
૧	હે જગતારક, દેવ ધણી, તુજ પાય નમું છું;
	ને મુજ પાપ કબૂલ કરી, તુજ નામ ભજું છું.
૨	હું ગત કાળ તજી સતને ભટકયો ભવરાને;
	હું ગત કાળ તજી સતને ફરતો અભિમાને,
૩	હું ગત કાળ છકેલ થઈ સત નામ ન લીધું;
	હું ગત કાળ છકેલ થઈ બહુ પાપ જ કીધું.
૪	તો પણ તેં અતિ રહેમ કરી મુજ નાશ ન કીધો;
	ને સત ન્યાય કરી મુજને બદલો નહિ દીધો.
૫	જો મુજ કામ કરેલ તણો ઈનસાફ કરે તું;
	તો તત્કાળ પડું નરકે, નિર્દોષ ઠરે તું.
૬	હે મુજ ભૂપ, દયાળ પિતા, બહુ ધીરજ તારી;
	આજ હયાત રહ્યો તુજથી, જગના અધિકારી.