166

૧૬૬ - કેવળ ખ્રિસ્તથી શુદ્ધતા

૧૬૬ - કેવળ ખ્રિસ્તથી શુદ્ધતા

	માદરી
કર્તા:	થોમાભાઈ પાથાભાઈ
૧		ખ્રિસ્ત જીવતો ઝરો,
	પાપથી અશુદ્ધ જે બધાંય સ્નાન ત્યાં કરો;
	ખ્રિસ્ત તીર્થ છે ખરો, તે વડે તમે તરો;
	એ જ તીર્થ જો કરો, કદી ન પાપમાં મરો.
૨		પાપ જો ઘણાં હશે,
	શ્વેત ઉન પેઠે ખ્રિસ્ત તીર્થ સ્નાનથી થશે;
	ખ્રિસ્ત રાજમાં જશે, શુદ્ધ લોકમાં વસે;
	જે રહે અશુદ્ધ તે કદી ન સ્વર્ગમાં જશે.
૩		દેવમાં પવિત્રતા,
	લેશભાર દેવમાં મળે ન કંઈ અશુદ્ધતા;
	દૂત ત્યાં ઘણાં બધા, તેહમાં પવિત્રતા,
	ખ્રિસ્ત રાજમાં પવિત્ર લોકનો મિલાપ ત્યાં.