105

૧૦૫ - લોભો પ્રભુને થંભે જડાવ્યો

૧૦૫ - લોભો પ્રભુને થંભે જડાવ્યો

રાગ :	કાલિંગડો
કર્તા :	એન. જે. જયેશ.
૧	દિન કેવો પ્રભએ બતાવ્યો, પ્યારા ઈસુને થંભે જડાવ્યો,
	એ તો ખૂનીઓ સાથ ગણાયો, હાય, એને વચ્ચે લટકાવ્યો.
૨	દેખી સિત્તમ રવિ શરમાયો ! ભૂતળે અંધકાર છ્વાયો !
	ધરતી ધ્રૂજી અને કંપ થયો ! પ્યારા ઈસુને.....
૩	રહેમ, યહૂદા, હ્રદે તું ન લાવ્યો? પ્યારા ઈસુનો ઘાટ ઘડાવ્યો?
	જીવ આ કરમે કેમ ચાલ્યો ! પ્યારા ઈસુને.....
૪	તું તો વરસો પ્રભુ સાથ ચાલ્યો, તને તેના ભાણે જમાડયો,
	કાળું કરતાં તને ક્ષોભ ના'વ્યો ? પ્યારા ઈસુને.....
૫	મૂલ્ય લઈ પ્રભુને વેચી આવ્યો, એથી આખર શું રે કમાયો?
	શાને નરકે, નરાધામ, ધાયો, પ્યારા ઈસુને.....
૬	ખેર, થંભ કને કેમ ના'વ્યો? તારા પ્રભુને જ્યાં જકડાવ્યો,
	શિર કૂટી ન કાં પસ્તાયો? પ્યારા ઈસુને.....
૭	પેલા ચોરે પ્રભુને પોકાર્યો, મરતાં પાપને શોક બતાવ્યો,
	તેને કૃપાળુએ ત્યાં જ તાર્યો, પ્યારા ઈસુને.....