298

૨૯૮ - આશીર્વાદ માટે પ્રાર્થના

૨૯૮ - આશીર્વાદ માટે પ્રાર્થના

	ભુજંગી
	(ગીતશાસ્ત્ર ૬૭)
	કર્તા: એમ. વી. મેકવાન
૧	પ્રભુ, આશિષો દે અમોને કૃપાથી, ઉરે તેજ દે દિવ્ય તારી પ્રભાથી;
	જગે તે થકી માર્ગ તારો જણાયે, અને સર્વ લોકો તણું ત્રાણ થાયે.
૨	પ્રજાઓ સહુ તુજ આભાર મને, અને હર્ષથી તુજને ગાય ગાને;
	ખરો ન્યાય સૌનો પ્રભુ તું કરે છે, કરે રાજ્ય વિશ્વે વિભુ તું ઠરે છે.
૩	પ્રભુ, સ્તુતિ તારી સહુ લોક ગાશે, મહા સ્તુત્ય, તું સૌ સ્થળોમાં મનાશે;
	ફળો ખૂબ ભૂમિ થકી ઉપજાશે, અને આશિષો સૌ પ્રભુથી અપાશે.