285

૨૮૫ - તારનાર પર ભરોસો

૨૮૫ - તારનાર પર ભરોસો

	સવૈયા સત્તાવીસા
	"I lay my sins on Jesus"
	કે શરણાગત
	કર્તા: જે. વી. એસ. ટેલર
૧	ઈસુ ચરણે પાપો મૂકું, તે કરશે પરિહાર;
	તે સહુ હરણ કરીને લેશે, ઉતારશે મુજ ભાર.
૨	ઈસુ ચરણે દોષ જ મૂકું, તે ધોશે મુજ ડાઘ;
	તન, મન, શુદ્ધ કરીને આપે પુણ્ય તણો શુભ ભાગ.
૩	ઈસુને મુજ દુ:ખ જણાવું, તે ગુણથી ભરપૂર;
	મનના વ્યાધિ સર્વ મટાડે, નબળું કરશે દૂર.
૪	ઈસુ પાસે શોક જણાવું, સહુ ચિંતાનો બોજ;
	ફલેશ તણાં સહુ કારણ કાઢી મને નિભાવે રોજ.
૫	ઈસુ જેવા થાવું મારે, પ્રેમી, નમ્ર, દયાળ;
	ઈસુ જેવા થાવું મારે, પિતા તણો શુભ બાળ.