90

૯૦ - વિજયવંત પ્રવેશ

૯૦ - વિજયવંત પ્રવેશ

કર્તા :	જયવંતીબહેન જે. ચૌહાન
ટેક :	પધારો રાય ઓ શાલેમમાં, પધારો. રાજન શાંતિના.
૧	ભાખેલા ભાવિ પૂર્ણ કરાએ,
	રાજન જયકેરા નાદે વધાએ;
	વછેરે વિરાજી પ્રેમે પધારે,
	બાળો લલકારે જય-જયકારે.
૨	ખજૂરી કેરી ડાળી ગ્રહે સહુ,
	સ્તુતિના નાદો ગજાવે તહીં બહુ;
	હોસાના, હોસાના, હોસાના, હોજો,
	પરમ ઊંચામાં હોસાના હો.
૩	જયકેરા નાદે નગરી ગાજે,
	પધારે રાજન શાંતિના સાજે;
	સ્વર્ગતણો એ રાજવી આજે,
	આવ્યો રે સહુના તારણ કાજે.