73

૭૩ - માગી લોકો ઉમંગે

૭૩ - માગી લોકો ઉમંગે

૧	માગી લોકો ઉમંગે દોરનાર તારાની સંગે,
	જોઈ પ્રભા તે તણી, ચાલ્યા બેથલેહેમ ભણી-
	તેમ જ અમે કરીએ, પ્રભુ, તુજ ગમ ફરીએ.
૨	તેઓ દોડ્યા ઉલ્લાસે, ત્રાતા, તુજ ગભાણ પાસે;
	નમી ભજવા તારે પાય, સ્વર્ગ ને ભૂતળનો તું રાય-
	તેમ દયાસન પાસે નિત હર્ષે આવવા રાખીએ રીત.
૩	તુજ ગભાણે ઉત્તમ દાન તેઓ લાવ્યા મૂલ્યવાન,
	તેવો ઉદાર ભાવ ધરી, સર્વ મિલકત શુદ્ધ કરી,
	સદા હર્ષે, હે ધણી, અર્પણ લાવીએ તુજ ભણી.
૪	હે ઈસુ, પવિત્ર રાય, રાખજે સાંકડા રસ્તા માંય,
	ભૌતિક જીવન પૂરું થાય, ત્યારે સ્વર્ગે લેજે રાય,
	તારાની જરૂર નહિ જ્યાં તારો વૈભવ જોઈએ ત્યાં.
૫	તેજસ્વી આકાશી દેશ, જ્યાં અજવાળું છે હંમેશ,
	ત્યાં તું તેજ, આનંદ ને તાજ, આથમ્યા વિણ રવિરાજ,
	ભૂપને સદા સ્તવીએ, હાલેલૂયા ગાઈએ.