140

૧૪૦ - ખ્રિસ્તનું પુનરાગમન

૧૪૦ - ખ્રિસ્તનું પુનરાગમન

	ઝૂલણા વૃત્ત
કર્તા :	એલિશા ઈ.શાસ્ત્રી
ટેક:	ખ્રિસ્ત તો આવશે વાર નહિ લાગશે, ભેટવા વાટ જો ભ્રાત મારા.
૧	હોય નિશા ઘણી ઘોર બિહામણી, આવતાં ભાણને ભોમ પાસે;
	એમ સૌ ભ્રષ્ટતા ચાલતી હાલની, જાણીને જાગવું દેવદાસે.
૨	જિંદગી જાય વેગથી આપણી , લાગ છે સેવનો એટલામાં,
	કાળને કામમાં લાવવા ભૂલ મા, દિલથી ખ્રિસ્તની રાહ જોતાં,
૩	શાસ્ત્રમાં વાંચતાં નીરખો વાક્યને, કોલ આપે પ્રભુ આવવાનો;
	કેમ કે લોક મારા બધા ત્યાં રહે, જ્યાં રહું આપ ત્યાં મુજ દાસો.
૪	આભમાં ફૂંકશે દૂત રણશિંગડું, જાગશે સંત સૌ તે જ વારે;
	દોડશે હર્ષથી ભેટવા નાથને, સૌ મૂઆ જીવતા એક હારે.
૫	તે સમે વિપત્તિ લોકને બહુ થશે, જે કદી ન થઈ, ન થવાની;
	કાળ બિહામણો લાગશે તે સમે, દુ:ખ ને મારથી થાય હાનિ.
૬	બુદ્ધિ ને ન્યાયથી ચાલવું આ જગે, ગાળવી ભક્તિમાં જિંદગાની,
	તો પછી ખ્રિસ્તને ભેટતાં ભાવથી બીક તો લેશ નહિ લાગવાની.

Phonetic English

140 - Khristnu Punaraagaman

	Jhulanaa Vrutt
Kartaa :	Elishaa E.Shaastri
Tek:	Khrist to aavashe vaar nahi laagashe, bhetavaa vaat jo bhraat maaraa.
1	Hoy nishaa ghani ghor bihaamani, aavataa bhaanane bhom paase;
	Aem sau bhrashtataa chaalati haalani, jaanine jaagavu devadaase.
2	Jindagi jaay che vegathi aapani, laag che sevano aetalaamaa,
	Kaalne kaamamaa laavavaa bhul maa, dilthi Khristni raah jotaa,
3	Shaastramaa vaanchataa nirakho vaakyane, kol aape prabhu aavavaano;
	Kem ke lok maaraa badhaa tyaa rahe, jyaa rahu aap tyaa muj daaso.
4	Aabhamaa funkashe dut ranashingadu, jaagashe sant sau te aj vaare;
	Dodashe harshthi bhetatavaa naathane, sau muaa jeevataa ek haare.
5	Te same vipatti lokane bahu thashe, je kadi na thai, na thavaani;
	Kaal bihaamano laagashe te same, dukh ne maarthi thaay haani.
6	Buddhi ne nyaaythi chaalavu aa jage, gaadavi bhaktimaa jindagaani,
	To pachi Khristne bhetataa bhaavathi beek to lesh nahi laagavaani.

Image