121

૧૨૧ - પ્રભુનું પુનરત્થાન

૧૨૧ - પ્રભુનું પુનરત્થાન

	હરિગીત
કર્તા :	મહીજીભાઈ હીરાલાલ
૧	ત્રાતા, જુઓ, જીવતો થયો! આજે પવિત્ર પ્રભાતમાં,
	તે ડંખ કાપી મૃત્યુનો પામ્યો વિજય સહુ વાતમાં;
	જગ ઊંઘતું પણ ખ્રિસ્ત ઊઠયો, ભોરમાં તજી ઘોરને;
	હાલેલૂયા ! હાલેલૂયા ! હાલેલૂયા ! જય જય તને.
૨	વાડી મહીં, ચોકી તળે, મુદ્રિત કબરે દાટિયો,
	જાણે કદી ઊઠશે નહિ, વિશાળ પથ્થર ઢાંકિયો;
	પણ સૂર્ય શું ખાળ્યો ખળે, ઊઠયો ઈસુ ! દર્શન મધુ !
	હાલેલૂયા ! હાલેલૂયા ! હાલેલૂયા ! જય જય બધું.
૩	લેખો પ્રમાણે પાપ સારુ થંભ પર પોતે મર્યો,
	લેખો પ્રમાણે ઊઠતાં તે વિશ્વનો ત્રાતા ઠર્યો;
	"કોહવાણ તું જોશે નહિ," એ અગમ સત્ય જ સર્વદા:
	હાલેલૂયા ! હાલેલૂયા ! હાલેલૂયા ! જય જય સદા.
૪	ઉત્થાન પ્રભુનું સાંભળી ઘેલાં બધાં ભયથી ચળ્યાં,
	પણ પ્રેમભીનાં નેણથી વા'લાં બધાં પ્રભુને મળ્યાં;
	આપણ બધા શુભ હ્રદયથી સુમિલાપ પ્રભુનો પામીશું:
	હાલેલૂયા ! હાલેલૂયા ! હાલેલૂયા ! જય જય ઈસુ.

Phonetic English

121 - Prabhunu Punaratthaan

	Harigeet
Kartaa :	Mahijibhai Hiraalaal
1	Traataa, juo, jeevato thayo! Aaje pavitra prabhaatamaa,
	Te dankh kaapi mrutyuno paamyo vijay sahu vaatamaa;
	Jag unghatu pan khrist uthyo, bhoramaa taji ghorane;
	Hallelujah ! Hallelujah ! Hallelujah ! Jay jay tane.
2	Vaadi mahi, choki tale, mudrit kabare daatiyo,
	jaane kadi uthashe nahi, vishaal paththar dhaankiyo;
	Pan surya shu khaalyo khale, uthyo Isu ! Darshan madhu !
	Hallelujah ! Hallelujah ! Hallelujah ! Jay jay badhu.
3	Lekho pramaane paap saaru thambh par pote maryo,
	Lekho pramaane uthataa te vishwano traataa tharyo;
	"Kohavaan tu joshe nahi," ae agam satya j sarvadaa:
	Hallelujah ! Hallelujah ! Hallelujah ! Jay jay sadaa.
4	Utthaan prabhunu saambhali ghelaa badhaa bhayathi chalyaa,
	Pan premabhinaa nenathi vaa'laa badhaa prabhune malyaa;
	Aapan badhaa shubh hrudaythi sumilaap prabhuno paamishu:
	Hallelujah ! Hallelujah ! Hallelujah ! Jay jay Isu.

Image