216

૨૧૬ - પવિત્રાત્માને આમંત્રણ

૨૧૬ - પવિત્રાત્માને આમંત્રણ

	(એકત્રીસા અવૈયા)
કર્તા:	કા. મા. રત્નગ્રાહી
ટેક:	મનની અંદર કરવા મંદર આવો, હું શુદ્ધાત્મા નાથ;
	આદર ભાવે ને ઉલ્લાસે બહુ સન્માને જોડું હાથ.
૧	હેતે હૈયું ઓપું મારું, આવો, નાથ, બિરાજો ઉર;
	અડચણકારક, ખેદજનક સૌ, એવું મેલું કરજો દૂર. મનની.
૨	જો હૈયું પાષાણ તણું તો નમ્ર કરીને કરજો વાસ;
	અંધારાથી હોય ભરેલું તો દેજો સ્વર્ગી પ્રકાશ. મનની.
૩	દુર્ગુણ ને સહુ પાપો મારાં તમ તેજે એ સૌ ગભરાય;
	જેમ રાત્રીનાં વનચર પ્રાણી અજવાળું જોઈ છૂપી જાય. મનની.
૪	બક્ષિસો તમ સાથે લઈને આવી આપો આશીર્વાદ;
	સત્તા પાપ તણી ઉખેડી મુજમાં ગાદી સ્થાપો, નાથ. મનની.
૫	ત્રાતાનાં વચનો સંભારી માગું તેને નામે આજ;
	મુજ અંતર આત્મામાં નિશદિન રહેજો તમ સુખદાયક રાજ. મનની.