301

૩૦૧ - માર્ગ તથી સત્ય તથા જીવન

૩૦૧ - માર્ગ તથી સત્ય તથા જીવન

૧	મારગમાં પ્રભુ સાથ રહી નિત દોર મને,
	ફેરવતો જ્યમ ગાલીલમાં બહુ શિષ્ય કને;
	અંત પછી મુજ યુદ્ધ તણો જયવંત થશે,
	ને મનવાંછિત સુખ સદા તુજમાં મળશે.
૨	સત્ય તણું, પ્રભુ, જ્ઞાન ખરું નિત આપ મને,
	શીખવતો જ્યમ ગાલીલમાં મધુરાં વચને;
	તો મુજ દાસપણું ટળશે, સહુ બેડી જશે,
	ને બહુ શાંતિ થતાં મનમાં મન મગ્ન થશે.
૩	જીવનની, પ્રભુ, રોટલી તું નિત આપ મને,
	પીરસતો જ્યમ ગાલીલમાં બહુ માનવને.
	હાલ મને ભૂખ તુજ તણી તું વિના ન નભું,
	જીવ ઘણો તલપે મળવા, ઝટ આવ, પ્રભુ.