SA469

	પુનરૂત્થાનની પ્રભાતમાં સલામ ઇસ્ટરની; દુનિયા પાપથી પલટાય એવી પ્રીત ઇસુની.
૧	દુઃખો સૌનાં ટાળવા, શાંતિ કંઈ પમાડવા; સેવા કીધી અપરંપાર, એવી પ્રીત ઇસુની.
૨	મન અંધારું કાઢવા, જીવન જ્યોત જલાવવા; અજબ જીવન જીવી જાય, એવી પ્રીત ઇસુની.
૩	પાપવૃત્તિ પલટાવવા, જીવન જળ પીવડાવવા, અજબ જીવન આપી જાય, એવી પ્રીત ઇસુની.
૪	મૃત્યુને સંહારવા ને દિગ્વિજય કરાવવા, પુનરૂત્થાન પામી જાય, એવી પ્રીત ઇસુની.
૫	ઉરે આનંદ માય ના, ને દુઃખ ધ્વની સંભળાય ના, જ્યજયકાર વર્તી જાય, એવી પ્રીત ઇસુની.