SA172

	ટેક : આવો રે સાથીઓ પવિત્રાઇ પામવા.
૧	પહેલું પગથિયું થયો દેવ પુત્ર, પિતાનો વારસો પામુ જી રે.
૨	બીજું પગથિયું તજી સૌ પાપને, ગર્વ ગુસ્સો વિસારૂં જી રે.
૩	ત્રીજું પગથિયું ઇસુના લોહીથી, સંપૂર્ણ શુદ્ધતા પામું જી રે.
૪	ચોથું પગથિયું પ્રભુ શરણ થઇને, પૂરેપૂરો હરખાઉં જી રે.
૫	પંચમ પગથિયે સઘળી શંકાઓ, તજી વિશ્વાસુ થાઉં જી રે.
૬	છઠ્ઠે પગથિએ તન મન ધનથી, ઇસુ સેવા સ્વીકારૂં જી રે.
૭	સાતમે પગથિયે પૂરા વિશ્વાસે, પૂરો પવિત્ર થાઉં જી રે.
૮	ટળી ગયું દુ:ખ, મારાં સઘળા પાપોનું, ઇસુનો પ્રેમરસ ચાખું જી રે.
૯	જગતને કાજે, યુદ્ધ કરવાને, પુરો શૂરવીર હું થાઉં જી રે.