299

૨૯૯ - ઈસુના થંભ સિવાય બીજું કંઈ ન જાણું

૨૯૯ - ઈસુના થંભ સિવાય બીજું કંઈ ન જાણું

	કર્તા: દાનિયેલ ડાહ્યાભાઈ
	મારા પ્રભુના થંભ સિવાય, હું તો બીજું ન જાણું કોઈ.
૧	કોઈ જાણે છે ખગોળ, ભૂગોળ, ગણિતમાં પંકાય,
	તત્ત્વો ને તર્કોમાં ઝાઝા ઝાઝી કરે છે વડાઈ.
૨	અનેક યંત્રો અને વાજિંત્રો, ચાલાકી ને ચતુરાઈ,
	કળા કરે છે અકળિત જેવી, ઊડે વિમાન હવાઈ.
૩	ઘણાલ વૈદો ઔષધમાં ને વાઢકાપમાં વખણાય,
	ઔષધ આપે અકસીર એવું, પળમાં સાજાં થાય.
૪	દાતા, ભકતા, વકતા, છે બહુ શૂરા જનોયે ઘણાય,
	કરે મોહિત મન માનવીઓનાં જુઓ જગતની માંય.
૫	જગન વિદ્વાનો નવ જાણે થંભ તણી મોટાઈ,
	અંતે તેઓ પ્રભુ સમીપે જશે જરૂર શરમાઈ.
૬	ભણી ગણી એમ વિશવિશ વિદ્યા કાઢે નવીન નવાઈ,
	અનહદ સંપત થંભ તણી તો જાણે નહિ રે જરાય.
૭	ભલે ગણાતી જગમાં મારી અતિ ઘણી મૂર્ખાઈ,
	સમજે ક્યાંથી ગુંગા જન તો અત્તર ખુશબો, ભાઈ.
૮	તેથી જ શાંતિ, તેથી જ સફળતા, તેથી મનોની સફાઈ,
	તેથી અમે સહુ સુખી સદાકાળ ગાણશું સ્વરની માંહી.