297

૨૯૭ - પ્રભુ ઈસુના પ્રેમથી કોણ જુદાં પાડશે?

૨૯૭ - પ્રભુ ઈસુના પ્રેમથી કોણ જુદાં પાડશે?

	ચોપાઈ છંદ
	(રૂમી. ૮: ૩૫-૩૯)
	કર્તા: જે. વી. એસ. ટેલર
૧	કોણ ચઢે મુજ શત્રુ થઈને? કોણ કરે બળ એવું જી,
	કે ત્રાતાના પ્રેમ તણું ફળા હરતાં મુજથી લે'વું જી.
૨	ફલેશ થશે જો સંકટ સાથે , દુ:ખ થશે બહુ ભારે જી.
	લોક સતાવે ક્રૂર થઈને, ખડ્ગ ચલવી મારે જી.
૩	જળથળમાં બહુ બીક હશે જો, ભૂખ્યો, નાગો હોઉં જી,
	જીવનના દિન સંધામાં જો, વિધવિધ પીડા જોઉં જી.
૪	તોપણ તારક પ્રેમ થકી હું સહુને પાડી નાખું જી,
	હા, જે જીતે તેના કરતાં ધીર સહુને પાડી નાખું જી.
૫	જીવન જોકે મોત જણાશે, હામ તજી નહિ દોડું જી,
	મનમાં એ દઢ નિશ્વય છે કે તારકને નહિ છોડું જી.
૬	ન કશું એવું સંભવવાનું, જે મુજ ભાવ ઘટાડે જી,
	ન કદી એવો વીર થવાનો, જે મુજ સતને પાડે જી.
૭	દૂત થઈ સંદેશો લાવે, કે હોશે અધિકારી જી,
	હોય પરાક્રમ કો કરનારો; કે મોટો જશધારી જી.
૮	જો કો વાત ભવિષ્ય હશે કે સાંપ્રતકાળ પ્રસારે જી,
	જો ઊંચાણ અપાર હશે કે જો ઊંડાઈ ભારે જી.
૯	કે કો બીજું મળશે વાનું સૃષ્ટિ વિષે જે હોશે જી,
	તે ભાગે વિશ્વાસ ન ડોલે, સ્વર્ગી તાજ ન ખોશે જી.
૧૦	ઈશ્વર પ્રેમ થકી તો મુજને કોઈ ન જુદો પાડે જી,
	ઈશ્વર પ્રેમ જે તારકમાં છે તેથી દૂર ન કાઢે જી.