274

૨૭૪ - ઈસુ પાસે જવું

૨૭૪ - ઈસુ પાસે જવું

	૮, ૭ સ્વરો
	"Jesus, I mu cross have taken"
	Tune: Ellesdie or Crucifer
	કર્તા: હેન્રી એફ. લાઈટ,
	૧૭૯૩-૧૮૪૭
	અનુ. : એચ. આર. સ્કોટ
૧	ઈસુ, તારી પાસે આવું, બધું મૂકી તારે કાજ;
	નિર્ધન, દુ:ખી, નિંદિત થાઉં, મારું સંધું તું થા આજ.
	મેં જે જાણ્યું, ચાહ્યું, શોધ્યું તે બધાંનો નાશ થાઓ;
	તો પણ હાલત ભાગ્યાશાળી, સ્વર્ગ ને ઈશ્વર મારાં છે.
૨	જગત મારો ધિક્કાર કરે, ત્રાતાને પણ એમ થયું;
	માનવી હૈડાં જેવું તારું, હૈયું નથી ઠગારું.
	હે સર્વાધાર, મુજ પર રાજી જ્યારે હોય છે તું તે વાર
	દુશ્મન નિંદે, દોસ્ત દ્ચિક્કારે, તો પણ તુજમાં હર્ખ અપાર.
૩	જાઓ માન ને ધન સંસારી, આવો નિંદા, આફત, દુ:ખ;
	ખ્રિસ્ત સેવામાં લાભ છે ખરો, તેનામાં જ હું પામું સુખ.
	" આબ્બા, બાપ" મેં તને કહ્યો, તુજ પર જીવની આશા છે;
	તોફાન છૂટે, વાદળાં ગાજે, સહુથી મારું હિત થાશે.
૪	માણસ મને પીડિત કરે, તરત તારે શરણે જાઉં;
	આ લોકે મુજ દુ:ખો વધે, સ્વર્ગે ખૂબ વિસામો લઉં.
	ઉદાસીથી નહિ પીડાઉં જ્યાં લગ તારી પ્રીતિ રહે;
	ઉમંગથી હું ના હરખાઉં, જો તું ના હો મુજ સાથે.
૫	હે મુજ આત્મા, લે તુજ તારણ, ચિંતા, ભય, ને પાપ વિદાર;
	દુ:ખ ખમીને ધીરજ રાખજે, તારો ધર્મ આગ્રહથી ધાર.
	કેવો આત્મા તુંમાં વસે, કેવા બાપની પ્રીતિ છે,
	કેવો ત્રાતા તને મળ્યો, રાખી યાદ તું કેમ રડે?
૬	સ્વર્ગે જવા સજ્જ થઈને વિશ્વાસ ધરી પ્રાર્થના કર;
	તે સનાતન સુખ પામવાને કૃપા આપશે તુજ ઈશ્વર,
	પૃથ્વી પર આ તારી જિંદગી કેવળ થોડી મુદત છે,
	આકાશે તુજ આશા ફળશે, તારા તારનારને જોશે.