264

૨૬૪ - સુવાર્તા પ્રચારાર્યે

૨૬૪ - સુવાર્તા પ્રચારાર્યે

	મહીદીપની ઢબ
	કર્તા: આર. પી. ક્રિસ્ટી
૧	વિભુ, અમો સિધાવીએ સુવાર્તા પ્રસારવા,
	ધો પ્રકાશ આપનો , ઉમંદને વધારવા. વિભુ.
૨	રોગ, દુ:ખ ટાળવા, સંતાપને સંહરવા,
	ખ્રિસ્ત કેરું મિષ્ટ નામ લોકમાં પ્રચારવા. વિભુ.
૩	ત્રાણદાન આપવા ને પાપ, શાપ કાપવા,
	ઈસુ કેરી દિવ્ય શાંતિ ઘેર ઘેર સ્થાપવા. વિભુ.
૪	વ્હેમ જાતજાતના ને ભૂત ભાતભાતના,
	તેમને નસાડવાને દો તમારો આત્મા. વિભુ.
૫	તિમિર કેરા રાજ્યમાં રોશની ફેલાવવા,
	સત્ય કેરા ધર્મ વિષે વૃત્તિઓ વિકસાવવા. વિભુ.
૬	ખ્રિસ્ત શ્રેષ્ટ નામ છે વ્યોમ ને આ ભોમમાં,
	એ જ વાત ભાખશું નિત્ય પૂર્ણ જોમમાં. વિભુ.