432

૪૩૨ - લગ્નનું ગીત

૪૩૨ - લગ્નનું ગીત

	ભુજંગી
	કર્તા: થોમાભાઈ
	પાથાભાઈ
૧	રચી, દેવ, તેં દુનિયા ખૂબ સારી, નિહાળી વખાણું તને વારવારી;
	કર્યું માનવી, દેવ, તેં ધૂળમાંથી, દઈ શ્વાસ પોતા તણો મુખમાંથી.
૨	બધી ચીજથી માનવી શ્રેષ્ઠ કીધું, અને આતમા, જ્ઞાન, વિવેક દીધું;
	ન'તું સાથ બેલું, લીધું માંસ તેનું, કરી નાર આપી, 'હવા' નામ એનું.
૩	નિહાળી પછી આદમે આંખ ધારી, ભલા માંસ મારું થયું મુજ નારી;
	થયા તે બન્નેના વિવા' દેવ હાથે, સુખી બહુ થયાં દેવથી સર્વ વાતે.
૪	વિવા' જે કરે શાસ્ત્રની રીત જાણી, રહે દેવની તે ઘરે મે'રબાની;
	સુખી જો થવું હોય તો વાદ મૂકો, રહો પ્રેમમાં તો થશે દૂર દુ:ખો.
૫	ખરા દિલથી દેવનો પ્રેમ રાખો, અને એકબીજા તણું હિત તાકો;
	વહુએ ધણીને ખરું માન દેવું, કરારો પ્રમાણે કહ્યામાં જ રે'વું.
૬	ધણીએ વહુને ખરો પ્રેમ દેવો, કરે અંગ પોતા તણે જેમ તેવો;
	કદી દ્વેષ પોતા તણો કો ન કીધો, ઈસુ મંડળી કારણે જીવ દીધો;
૭	બધાં આપણે ખ્રિસ્તનાં અંગ જાણો, અને શિર તે આપણો ઈષ્ટ માનો;
	મૂકી માનવી માત ને તાત કોરે, વહુ સાથ રે'શે લગી જાય ઘોરે.
૮	ઈસુ મંડળીનું ખરું શિર જાણો, વહુઓ, તમારા ધણી શિર માનો;
	હવે હ્યાં તમે જે કરો છો કરારો, સદા પાળવા કોલ આપો તમારો.
૯	યહોવા અને મંડળી સાક્ષ જાણી, કરારો તમે પાળશો એમ માની;
	યહોવા, થજે આશિષો આપનારો, અને સેવકોનો થજે પાળનારો.
૧૦	સુકાળે દુકાળે દિલાસો જ દેજે, સદા એમને ઘેર તું વાસ લેજે;
	વિનંતી પિતા, માનજે ખ્રિસ્ત નામે, સદાકાળ આમેન, આમેન જામે.