422

૪૨૨ - દુષ્ટને ધાક અને શુદ્ધને શાંતિ

૪૨૨ - દુષ્ટને ધાક અને શુદ્ધને શાંતિ

	હર્ષધ્વજા વૃત્ત
	કર્તા: જે. વી. એસ. ટેલર
૧	વીતી બધા વિશ્વનો વેળ ગયો, ને ન્યાય ચુકાવનો કાળ થયો;
	બિરાજતા આસને ભૂપ, અહા ! ઊભી બધા દૂતની ફોજ મહા.
૨	રણશિંગ ગાજી ઘણો શોર કરે, મૃત સર્વ સુણે ફરી જીવ ધરે;
	તત્કાળ ઊઠે બધા, ઘોર તજી, પ્રત્યક્ષ થશે નવાં અંગ સજી.
૩	રાજા ધરી દંડ તો ન્યાય કરે, લેખે લખ્યું હોય તે હાથ ધરે;
	મૂકે ન તે એકે માંડેલ બિના, ચૂકે ન કો નામ ચુકાવ વિના.
૪	સૌ કાર્ય ને શબ્દ બોલેલ બધા, મનમાં કર્યા ગુપ્ત વિચાર કદા;
	જે લેખમાં સર્વ માડેલ હશે, તેના થકી ન્યાય ચુકાવ થશે.
૫	ત્રાતા તણા થંભથી ત્રાણ મળે, ઈસુ થકી શુદ્ધને શાંત વળે;
	તેથી જશે શુદ્ધનું કામ સરી, પાપી થશે શુદ્ધ વિશ્વાસ કરી.