421

૪૨૧ - ખ્રિસ્તનું ન્યાયશાસન

૪૨૧ - ખ્રિસ્તનું ન્યાયશાસન

	(રાગ-પરમ પિતાકી હમ સ્તુતિ ગાએ)
	કર્તા: જે. એસ. પ્રકાશ
૧	કેવું મધુર પ્રભુ ઈસુનું નામ, જગને બચાવે છે પાપથી તમામ;
	ઈસુએ ઉઠાવ્યો પાપોનો ભાર સ્તંભે સહી થયો સ્વર્ગી દ્વાર.
૨	આકાશી વૈભવમાં તે બિરાજે, મધ્યસ્થી સર્વને કાજ તે કરે;
	જગના અંતે પ્રભુ આવશે રે, સર્વ માનવજાત જોશે ખરે.
૩	આકાશી સેના સહિત તે આવે, સહસ્ર સાલ ઈસુ રાજ ચલાવે;
	મત્ર્ય લોકો સજીવન કરાશે, સન્મુખ પ્રભુ સૌ ઊભા થશે.
૪	અદલ ઈન્સાફ પ્રભુ ખચીત કરે, નમ્ર જનો તહીં ન્યાયી ઠરે;
	વતન બને ધરણી રાંક જનો કાજ, સ્થાન રહે નહિ ત્યાં જુલ્મીને માટ.
૫	શાસ્ત્ર કહે : સમય આવ્યો નજીક ખ્રિસ્ત પાછો આવે છે જાણો ખચીત;
	અનંતકાળિક અગ્નિ દુષ્ટોને માટ, ન્યાયી રહે સહુ પ્રભુ સંઘાત.
૬	પ્રાર્થનાનો ધૂપ નિત્ય ઊંચે ચઢે, સ્વર્ગે સંતો તેની સેવા કરે;
	માન, મહિમા, પ્રભુ ઈસુને દો, યુગાનુયગ તેને મહિમા હો.