377

૩૭૭ - પ્રભુ ખ્રિસ્તની સેવા

૩૭૭ - પ્રભુ ખ્રિસ્તની સેવા

૧	સેવ કરો પ્રભુ ઈશ તણી, સહુ સેવ કરો;
	સેવ કરો, સહુ સંત તમો, નહિ થાક ધરો.
	ખ્રિસ્ત તણી સત સેવ કરો બહુ હર્ષ થકી;
	સેવ કરો, પ્રભુ રે'જ સદા તમ પાસ નકી.
૨	પ્રૌઢ તથા સહુ બાલ્ય, તમો શુભ સેવ કરો;
	ભાવ થકી સત સેવ તણો દૃઢ પંથ ધરો.
	માન્ય કરે પ્રભુ સેવ સદા અતિ હેત થકી;
	સેવકનું પ્રભુ ત્રાણ કરે પરિપૂર્ણ નકી.
૩	સેવક પૂર્ણ પસંદ થશે પ્રભુ પાસ સદા;
	પાપ તણો પરિહાર થયે અઘ દૂર બધા.
	માન્ય કરે સત સેવ સદા, પ્રભુ માન્ય કરે;
	ભૂલ અને સહુ ચૂક ખમી અઘ દૂર ધરે.
૪	ખ્રિસ્ત કહે, મુજ સેવ વિષે બહુ હામ ધરો;
	સેવ કરી મુજ સાહ્ય થકી ભવ પાર તરો.
	આપ તણી, પ્રભુ, વાત બધી અતિ શુદ્ધ ખરી;
	એ સત વાત ધરી ભજીએ પરમાર્થ કરી.