344

૩૪૪ - જીવનાર્પણ

૩૪૪ - જીવનાર્પણ

૧	ઈશ, લે મજ જીવન ભેટ ધરું, ઝટ લે, અભિલાષ હું એહ ધરું;
	થઈને મુજ જીવન નાયાક તું, કરજે મુજ જીવન લાયક તું.
૨	શિરને, ઉરને, મુખને, કરને, પ્રભુજી, અર્પું મુજ અંતરને;
	મમ અંતર તો બગડી જ ગયું, તુજ વિના રખડી જ ગયું.
૩	હસતાં રમતાં કંઈ પાપા કીધાં, કંઈ પાપ-પથે અન્યનેય લીધાં;
	તનથી, મનથી, કળથી, છળથી, બહુ પાપ કીધાં ધનના બળથી.
૪	નહિ લાયક છે મુજ આ મનડું, નહિ લાયક છે મુજ આ તનડું;
	મુજ દેહ દઉં, મુજ પ્રાણ દઉં, લઈ લે તુજને શરણે જ સહુ.
૫	થઈ શોધક તું ઝટ શોધ મને, થઈ તારક તું ભવ તાર મને;
	થઈ પાળક તું બસ પાળ મને, થઈ બોધક દે કંઈ બોધ મને.
૬	કર માફ, પ્રભુ, મુજ પાપ બધાં, કંઈ ગુપ્ત અને કંઈ હોય છતાં;
	ઝટ થા મુજ પાપ નિવારક તું, થઈ શોધક, તારક, પાળક તું.