118

૧૧૮ - જ્યારે થંભે ધ્યાન ધરું

૧૧૮ - જ્યારે થંભે ધ્યાન ધરું

	દોહરા
	(રાગ : ધર્મ વિચારો રે ઘર થકી)
કર્તા :	આઈઝેક વાઁટ્સ, ૬૭૪-૧૭૪૮
અનુ:	સીમોન ગણેશભાઈ
૧	જ્યારે એ થંભે ધ્યાન ધરું, મર્યો ગૌરવી રાય,
	અલભ્ય લાભ તોટો ગણું ગર્વ સર્વ તુચ્છ થાય. જ્યારે.
૨	મારા પ્રભુના મૃત્યુ વિણ કરું ગર્વ ન કાંય,
	અર્પી દઉં બધું યજ્ઞ પર ઠાલા મોહ સંધાય. જ્યારે.
૩	હાથે પગે વહે શિરેથી ભળી ભળીને સાથ,
	કેવાં વહી રહ્યાં એ જુઓ પ્રેમ, શોક સંગાથ. જ્યારે.
૪	પ્રેમ એવા, એવા શોકનો સુણ્યો સુભગ મિલાપ?
	કે કદી કાંટયે ગૂંથ્યો અમૂલ મુગટ આપ. જ્યારે.
૫	હોત સામ્રાજ્ય આ સૃષ્ટિનું ચરણે ધરવા અઘાટ,
	અર્પણ બને એ જૂજવું પ્રેમ પ્રભુના સાટ. જ્યારે.
૬	પ્રેમ અજબ આવો દિવ્ય તે માગે મારું તમામ,
	અર્પું જીવાત્મા સર્વ મમ તે તો અલ્પ જ નામ. જ્યારે.