82

૮૨ - પ્રભુ ઈસુનો અચળ પ્રેમ

૮૨ - પ્રભુ ઈસુનો અચળ પ્રેમ

૧	જો કે કૂલ તણી બહુ આજ જણાશે,
	તોપણ જોતામાં કાલે કરમાઈ સૌ જાશે,
	થોડી વાર પછી જુઓ, તેનો ક્ષય થાશે. પણ પ્રેમ.
ટેક :	પ્રેમ ફરે નહિ ઈસુનો, નહિ તે કરમાશે.
૨	જોબન કાળ દીપે, તાજા બળ સાથે,
	સર્વ પ્રસંગે હર્ખ કરે, નહિ લે દુ:ખ માથે,
	થોડાં વર્ષ પછી બદલે, ગોથાં બહુ ખાતે. પણ પ્રેમ.
૩	રાત્રિ વિષે તો ચંદ્ર તણી શોભા બહુ ભાસે,
	પૂનમ સુધી તો વધતાં શુભ જ્યોતિ પ્રકાશે,
	તોપણ ત્યાંથી નિત્ય ઘટી તનો ક્ષય થાશે. પણ પ્રેમ.
૪	દીપે સૂર્ય ઘણો ઊગતાં, ચળકે શુભ કાંતિ;
	મધ્ય લગી જાશે ચઢતો, નમશે ગતિ ત્યાંથી
	તેનો વૈભવ લોપ થશે, તો અસ્ત થતાંથી. પણ પ્રેમ.
૫	મોટા સિંધુ તણી ભરતી, તે કેમ ભરે છે !
	ચાલી તે ધમકાર થકી બહુ જોર કરે છે;
	તોય પછી ત્યાં ઓટ થતે જળ પાછું ફરે છે. પણ પ્રેમ.
૬	સાંજે તો અતિ મંદ હવા મીઠી બહુ વાયે,
	જીવ, જનાવર, માનવને તેથી સુખ થાયે;
	તોય વિકાર થયે તેમાં તોફાન જણાયે. પણ પ્રેમ.
૭	મિત્રોની અતિ પ્રીતિ ખરી, હોશે બહુ વહાલા;
	તોય કદાય અદશ્ય થશે, દીસે મન ઠાલાં;
	સ્નેહ તજી રાખી શીખે મોઢાં વિકરાળાં. પણ પ્રેમ.
૮	સૃષ્ટિ વિકારે, ફૂલ ખરે, ને જોબન જાશે;
	ચન્દ્ર ઘટે, શુભ સૂર્ય નમે, ને સિંધુ ફરાશે;
	મીઠા વાની આંધી થશે, મિત્રો બદલાશે. પણ પ્રેમ.