41

૪૧ - રવિવાર

૪૧ - રવિવાર

	ગરબી
કર્તા :	કા. મા. રત્નગ્રાહી
ટેક :	શુભ દિન આદિતવાર, આનંદકાર ઘણો છે;
	હેત હૈયામાં વિચાર, આ દિન પર્ભુ તણો છે.
૧	કબર ઉપર વિજય પામી, થયો સજીવન આપણો સ્વામી;
	મૃત્યુ તણું દુ:ખ વામી, આનંદકાર ઘણો છે.શુભ.
૨	ત્રાતાનો વિજયી પ્રેમ સંભારી, સ્તુતિ કરી બહુ થઈએ આભારી;
	રાખવી રીત આસારી, આનંદકાર ઘણો છે.શુભ.
૩	આ દિને ઈશ્વરમંદિરે જઈએ, ભક્તિના કાર્યમાં સામેલ થઈએ
	શિક્ષણ શાસ્ત્રનું લઈએ, આનંદકાર ઘણો છે. શુભ.
૪	સંસારી કામથી નિવૃત્તિ લીજે, શાસ્ત્રકથામૃત પાન જ કીજે;
	જેથી પ્રભુજી રીઝે, આનંદકાર ઘણો છે. શુભ.
૫	પ્રભુ તણો આ દિન છે સારો, સદાના વિશ્રામનો એ ઈશારો;
	શુભ રીતે તે વિચારો, આનંદકાર ઘણો છે. શુભ.