61

૬૧ - જયવંતી નાતાલ

૬૧ - જયવંતી નાતાલ

	(ગુણવંતી ગુજરાત - એ રાગે)
કર્તા :	કા.મા.રત્નગ્રાહી
ટેક :	જયવંતી નાતાલ, સ્મરું હું જયવંતી નાતાલ;
	ખ્રિસ્ત જયંતી કાળ, સ્મરું હું જયવંતી નાતાલ.
૧	ધન ધન દેશ યહુદા તુજને, ધન બેથલેહેમ ગામ;
	ધન ધન સીમા ગામ તણી, ત્યાં થઈ રઢિયાળી જામ.સ્મરું.
૨	શ્વેતાંબર પરિધાન કરીને, સ્વર્ગી દૂતો ત્યાંય;
	ખ્રિસ્ત જયંતી કેરું રૂડું મંગળ ગાયન ગાય.સ્મરું.
૩	"પરમ ઊંચામાં પ્રભુને મહિમા, શાંતિ પૃથ્વીમાંય":
	મધુર સ્વરોનો રણકો આજે જગમાંહે અંભળાય.સ્મરું.
૪	આનંદી શુભ વાર્તા સુણી, ધન ધન ઘેટાંપાળ !
	બાળ પ્રભુનાં દર્શન કરવા ધસિયા સૌ તત્કાળ.સ્મરું.
૫	ચકચકતા તારાને તજે આવ્યા માગી ત્યાંય;
	વિધ વિધનાં અર્પણ લાવીને લાગ્યા પ્રભુને પાય.સ્મરું.
૬	ચાલો ઘેટાંપાળક સંગે, પ્રભુનાં દર્શન કાજ;
	જ્ઞાની સંગે અર્પણ કરીને, તન મન, ધનનું આજ.સ્મરું.