444

૪૪૪ - પ્રભુભોજન

૪૪૪ - પ્રભુભોજન

	૮ સ્વરો
	કર્તા : જે. વી. એસ. ટેલર
૧	મારા પ્રેમને મનમાં આણી તમે પાળો બે નિશાણી :
	જે જે વારે એકઠા થાઓ, દ્રાક્ષારસ પીઓ, રોટલી ખાઓ.
૨	જ્યારે તમે ભેળા આવો, મારે સ્મરણે રોટલી ખાઓ;
	મારી પૂરી પ્રીતિ જાણો, ને ઉદ્ધારનો આભાર માનો.
૩	રોટલી જાણો શરીર મારું, ભંગિત જે તમારે સારુ;
	ભાંગી ખાતાં સહુ સંભારો, પાપથી એકલો હું તારનારો.
૪	મારું અંગ કેમ ભાંગી ગયું, કેમ તે મોતને આધીન થયું;
	કેમ મેં પાપને વાસ્તે સહ્યું, કેમ તમારું તારણ થયું.
૫	પ્યાલો પીઓ, વિચાર આણી, કે શા સારુ એ નિશાણી;
	દ્રાક્ષારસ પેઠે હું રેડાઉં, મારું રક્ત હું તેમ વહેવડાવું.
૬	મારા રક્તથી પાપ ધોવાય છે, ન્યાયનાં માગણાં સહુ વળાય છે;
	સજા વગર પાપ ન છૂટે, દેવનો બંદોબસ્ત ન તૂટે.
૭	તમ પર દયા મેં કીધી છે, પાપની સજા મેં લીધી છે;
	મરણ સ્તંભ પર રક્ત જેમ વહેશે, તેમ માફીનું મૂલ્ય દેશે.
૮	દ્રાક્ષારસથી મુજ રક્ત સંભારો, આ નિશાની એમ સહુ ધારો;
	મારું રક્ત જે પ્રેમે આપ્યું, તેણે જ જગને તારણ આપ્યું.

Phonetic English

444 - Prabhubhojan

	8 Svaro
	Karta : J. V. S. Tailor
1	Maara premane manamaan aani tame paalo be nishaani :
	Je je vaare ekatha thaao, draakshaaras peeo, rotali khaao.
2	Jyaare tame bhela aavo, maare smarane rotali khaao;
	Maari poori preeti jaano, ne uddhaarano aabhaar maano.
3	Rotali jaano shareer maarun, bhangit je tamaare saaru;
	Bhaangi khaataan sahu sanbhaaro, paapathi ekalo hun taaranaaro.
4	Maarun ang kem bhaangi gayun, kem te motane aadheen thayun;
	Kem men paapane vaaste sahyun, kem tamaarun taaran thayun.
5	Pyaalo peeo, vichaar aani, ke sha saaru e nishaani;
	Draakshaaras pethe hun redaaun, maarun rakt hun tem vahevadaavun.
6	Maara raktathi paap dhovaay chhe, nyaayanaan maaganaan sahu valaay chhe;
	Saja vagar paap na chhoote, devano bandobast na toote.
7	Tam par daya men keedhi chhe, paapani saja men leedhi chhe;
	Maran stambh par rakt jem vaheshe, tem maapheenun mooly deshe.
8	Draakshaarasathi muj rakt sanbhaaro, aa nishaani em sahu dhaaro;
	Maarun rakt je preme aapyun, tene ja jagane taaran aapyun.

Image

Hymn Tune : Rockingham - Sheet Music in Gujarati Notation

Sheet Music (Piano)