165

૧૬૫ - તે પ્રીતિ વખાણજો

૧૬૫ - તે પ્રીતિ વખાણજો

	હર્ષધ્વજા
કર્તા:	જ.વ.સ.ટેલર
ટેક:	રે પ્રીતિ વખાણજો, પ્રીતિ વખાણજો, પ્રીતિ વખાણજો, પ્રીતિ ઘણી.
૧	છે શુદ્ધનો, મુક્તનો હર્ષ ખરો,
	તે રક્તના તીર્થમાં રોજ તરો;
	સહુ મેલને મૂકતાં માર તજો,
	ને મુકિતના હર્ષમાં ખ્રિસ્ત ભજો.
૨	ઈસુ થકી ત્રણ છે પૂર્ણ સદા,
	ન ત્યાગશે દીનને ખ્રિસ્ત કદા;
	તો હર્ષતાં ખ્રિસ્તમાં આશ ધરો,
	ને દોષનો ધાક તે દૂર કરો.
૩	રે પાપના ઘા થયા સર્વ સ્થળે,
	પણ ખ્રિસ્તથી સર્વની રૂઝ વળે;
	સહુ શોક સાટે ખરી શાંતિ મળે,
	ને હર્ષને કારણે આંસુ ટળે.
૪	રે ખ્રિસ્તના થંભથી ત્રાણ થયું,
	ત્રાતા તણા મોતથી મોત ગયું;
	તો મોત આવે મને બીક નથી,
	તે દ્વારથી આવશે મુક્તિ ગતિ.