289

૨૮૯ - દઢ વિશ્વાસ

૨૮૯ - દઢ વિશ્વાસ

	તોટક
	કર્તા: થોમાભાઈ પાથાભાઈ
૧	ધન રે ધન, ખ્રિસ્ત, તને જ ભજું, તુજ નામ તણાં શુભ શસ્ત્ર સજું,
	શુભ સેવ કરું, જગ લાજ તજું, જગતારક નામ સદાય ભજું.
૨	જંગ લોક તણો જ ધિક્કાર સહું, પણ તારકને વળગી જ રહું;
	ઉપહાસ કદા જગ લોક કરે, પણ તારકમાં મુજ જીવ ઠરે.
૩	જગ લોક કદા મુજ ઘાત કરે, પણ હંસ સદા સ્વર આશ ધરે;
	જગમાં મુજ મિત્ર નથી જ કદા, મુજ તારક મિત્ર ખરો જ સદા.
૪	જગમાં મુજ સાહ્યા કો ન હશે, પણ તારક સાહ્યા સદા જ થશે;
	મુજ પાય ધરું સત મારગમાં, જયકાર કરું જગતારકમાં.